Si stime che a sedin 4 i milion di euros di pierdite economiche in Friûl Vignesie Julie e passe 112 milions in Italie. Cheste e je une des consecuencis plui evidents di chel che al è clamât dumping contratuâl. Cuintri di cheste situazion si son aleadis la Cisl e i datôrs di lavôr cu la poie di Confindustria Udine, Confindustria Alto Adriatico, Confcommercio, Confartigianato fvg, Cna Fvg e Confapi.
A patî lis consecuencis plui grivis par vie de aplicazion di contrats coletîfs firmâts di sindicât mancul rapresentatîfs a son i lavoradôrs che a son a risi fintremai a 2.670 euros par an di mancul parcè che no i pain la decime cuarte e a àn mancul permès e tutelis tal câs de malatie.
Cristiano Pizzo de Cisl Fvg, al à clamât dret in cause chei che a son clamâts i contrats Anpit, che a fasin riferiment ae Associazione nazionale per l’industria e il terziario che – si stime – vuê a cjapin dentri plui o mancul 1.100 lavoradôrs tal setôr dal cumierç e dal terziari e plui o mancul 300 metalmecanics. (a.d.g.) – 11.05.2026
