Dopo doi agns di stop, imponûts de emergjence Covid al torne “Fabbriche Aperte”, il progjet di Confindustria Udine, rivât ae sô vincjesime prime edizion, che e ufrìs la pussibilitât, a students e insegnants, di cognossi plui di dongje il mont de imprese cun visitis ai implants di aziendis che a rapresentin la specificitât de industrie furlane, par aprofondî i aspiets organizatîfs, produtîfs e tecnologjics.
Lis visitis vuidadis a scomençaran lunis ai 11 di Novembar par lâ indevant fin a vinars ai 25 di Novembar. Lis 19 aziendis a acetaran 450 students di 5 istitûts des scuelis tecnichis e professionâls de nestre provincie in chest aromai consolidât apontament di interazion tra mont de scuele e mont dal lavôr.
A vierzaran lis puartis dai propris implants: Advan di Damâr, Acciaieria Fonderia Cividale di Cividât, Aussafer Due di Sant Zorç di Noiâr, AWM di Magnan in Riviere, Carniaflex di Paluce, Co.Me.Fri di Magnan in Riviere, Danieli & C. Officine Meccaniche di Buri, Fantoni di Osôf, Fornâs di Manzan, Gervasoni di Pavie, Idealservice di Rivis Darcjan, Meccanotecnica di S. Denêl, Mep di Reane dal Roiâl, Metalworld di Pavie, Mosaico di Tumieç, Net di Sant Zorç di Noiâr, Ferriere Nord di Osôf, Rhoss di Codroip e Taghleef di Sant Zorç di Noiâr.
Il progjet al coinvolz students e insegnants di cinc istitûts scolastics: ITT de Basse Furlane di Çarvignan, D’Aronco di Glemone, Malignani di Udin, Solari di Tumieç e Bearzi di Udin. (ADG) – 17.11.2022
