Al somee proprit che la bataie pe costruzion de gnove fabriche de Kronospan, a San Vît al Tiliment, tacât tal 2013 cuant che inmò a iere presidente de Zonte regjonal Debora Serracchiani, a vedi di lâ indenant par une vore di timp.
I terens indulà che al veve di jessi costruît il gnûf implant di separazion dai refudosn in len par produsi lis scais di legn par alimentâ il termovalorizadôr di 38 Mw tant par jessi clârs no son plui. A compraiu une aziende vicentine, la Fileo Costruzioni Srl, che à bielzà mandate une comunicazion al Consorzi industriâl Ponte Rosso e al Comun di San Vît. Al par ancje che l’avocat dai venits al vedi mandade une letare ae Regjon Friûl Vignesie Julie par domandâ l’anulament de pratiche inmaneade de Silva Srl, societât controlade de multinazionâl austriache, che a vares vût di costruì l’implant propit donje ae fabriche dai panei.
Chiste novitat si zonte ae fuarte oposizion dal Comitat Abc che di timp al è cuntri il progjet di ampliament de kronospan par pore che l’incuinamenti dal aiar al vadi une vore in pies e ancje dal Comun che al à dineat la autorizazion urbanistiche.
