Al “Malignani” si fevele di açâl

Inte Aule Magne dal Istitût “Malignani” di Udin, vinars ai 14 des 9 di matine, in presince di students e imprenditôrs e in colegament streaming cun centenârs di utents, si fasarà la cunvigne “Açâl e identificazion”, risultât di une ricercje che e à cjapât dentri cetancj esperts di varis setôrs. Il contest al è chel dal Friûl-Vignesie Julie, une regjon che e ven ritignude “Steel Valley”, la val dal açâl, pe incidence dal metal intes sôs filieris industriâls e intal PIL. La cunvigne e sarà vierte di Oliviero Barbieri, il dirigjent dal Malignani, un dai istitûts tecnics plui grancj de Italie, che al rispuint aes domandis di un setôr – la metalurgjie – che intai agns a vignî al varà bisugne di desenis di miârs tra operadôrs, tecnics e coordenadôrs. (A.I.) – 13.04.2023