Ai Mondiâi in Qatar un toc di Friûl: un stadi tirât su de Cimolai

Cence i zuiadôrs de Nazionâl, al sarà l’inzen talian protagonist dai Mondiâi di balon in Qatar. Domenie ai 20, la partide di scree tra Qatar e Ecuador sarà di fat al stadi Al-Bayt, tirât su inte citât di Al-Khor, a plui o mancul 60 chilometris a Nord di Doha. La Cimolai Spa, e je une des impresis che a àn colaborât: in detai, montant lis scjalinadis superiôrs, lis membranis e dute la cuviertidure mobile di açâl, intune struture par 65 mil spetatôrs. Cundut de mancjade cualificazion de nazionâl di Roberto Mancini, la Italie e sarà duncje presint ae competizion cu la creativitât progjetade e costruide de Cimolai. (A.I.) – 17.11.2022