Cul inviament dal bieni formatîf 2023-2025, il MITS Academy al rinove la sfide de alte formazion tecniche intai setôrs principâi che a caraterizin il made in Italy e dulà che lis impresis a son plui ae ricercje di zovins une vore specializâts. Dai percors formatîfs che di agns a caraterizin la ufierte dal MITS come la mecatroniche, la aeronautiche, passant pal furniment e pal setôr de eficience energjetiche, di chest an e je une novitât: il turisim in clâf 4.0.
In chescj dîs, in presince dai vertiçs de Fondazion MITS, come il president Gianpietro Benedetti, il vicepresident Paola Perabò e il diretôr Estar Iannis, di istituzions, impresis compagnis de fondazion, categoriis economichis e docents, a son daûr a partî, cun cerimoniis di inviament dedicadis, i vot cors che a dan dongje in complès 184 gnûfs iscrits tra fantatis e fantats (che a vegnin ancje di fûr regjon), in cressite di plui o mancul cuarante unitâts a pet dal bieni di prime. (a.d.g.) – 31.10.23
