Ae cunvigne su Industria 5.0 di Confindustria Udine al à tabaiât ancje un robot

Il robot RoBee al è stât il testimonial de cunvigne “Industria 5.0: un futuro collaborativo” inmaneade vuê inte Tor di Sante Marie dal Gruppo Terziario avanzato di Confindustria Udine, in colaborazion cun Confindustria Udine. Intindiment dal incuintri al jere chel di analizâ il teme simpri plui atuâl dal rapuart tra om e robot. La industrie 5.0, che si fonde su la integrazion di tecnologjiis avanzadis, come la Inteligjence artificiâl e la robotiche colaborative, e ponte a creâ ambients di produzion une vore digjitalizâts, flessibii e atents al om, indulà che tecnologjie e umanitât si metin adun. Si trate di un percors che no si pues fâ di mancul di lui, come che e à visât Anna Mareschi Danieli, vicepresident di Confindustria Udine vierzint i lavôrs de cunvigne. (a.d.g.) – 12.04.2024