Par meti a puest il colegament tra Friûl-Vignesie Julie e Land Carinzie, daspò dal slac che e à blocat la SS 52-bis tal Dicembar dal an passât, la Regjon e il Land austriac a fasaran un acuardi operatîf pe costituzion di un grup di lavôr che al puedi cjatâ lis alternativis ae strade di cumò.
Di chest e à fevelât vuê in Zonte regjonâl l’assessôr aes Infrastruturis Cristina Amirante, sotlineant la impuartance de colaborazion tra Regjon e Land, inviade cuntun prin dialic tra i doi presidents e lade indenant cun 11 incuintris. (a.d.g.) -07.06.2024