Il progjet par trasformâ la fabriche di bire, bandonade di agns, inte gnove sede dal Its Alto Adriatico Academy al va indenant come previodût e tal rispiet dai timps. Vuê di matine l’assessôr aes Infrastruturis Cristina Amirante, presints il president di Confindustria Alto Adriatico Michelangelo Agrusti, i rapresentants dal Its Alto Adriatico Academy, e tra chei la diretore Barbara Comini, e dal Comun di Pordenon cu l’assessôr ae Urbanistiche Lidia Diomede.
“I lavôrs a rispietin il program – e à sigurât Amirante – par chest progjet di rigjenerazion urbane. La vecje fabriche di bire e varà cussì gnove vite dentri dal pôl scolastic de provincie che a stan trasformant cheste aree intun pont di riferiment pai zovins”.
Il progjet al previôt che inte sede dal Its Academy a sedin fâts su sedi spazis pe ativitât didatiche, sedi spazis pe residenzialitât. (a.d.g.) – 17.06.2025
