“Ospitâ il meeting nazionâl di Federalberghi e je une braùre pe nestre regjon, che in chescj agns eje daûr a dimostrâ di vê carateristichis impuartantis di atrat turistic e di savê frontâ i moments dificii gracie, soredut, ae capacitât progjetuâl dai operadôrs dal setôr e ai invistiments de aministrazion publiche. O stin creant lis basis par che il compart al puedi cjalâ cun otimisim al futûr e garantî ai turiscj servizis simpri plui cualificâts”.
Chescj i concets che l’assessôr regjonâl al Turisim Sergio Emidio Bini al à esponût vuê introdusint i lavôrs de riunion de Associazion nazionâl Federalberghi in cors a Udin. Trê zornadis di incuintri, di joibe ai 17 a sabide ai 19 di Novembar, indulà che a son presints i diretôrs e i segretaris des organizazions teritoriâls che a vegnin di dute Italie. (ADG) – 18.11.2022
