A Palaç Torriani il ‘cerviel’ di Meta

Confindustria Udine Academy)e à inmaneât un gnûf grant event. Nassût dome di un an, il progjet di alte formazion promovût dai industriâi furlans al rive a puartâ pe prime volte in regjon Yann LeCun, joibe ai 26 a Udin a Palaç Torriani. Docent ae Universitât di New York, al è ‘il cerviel’ sientific di Meta, la compagnie americane che e controle i servizis di rêt social Facebook e Instagram, i servizis di par mandâ messaçs  Whatsapp e Messenger, e ancje i visôrs di realtât virtuâl di Oculus VR. In plui, il professôr al è calcolât un dai maiôrs esperts mondiâi di inteligjence artificiâl, aprendiment automatic, vision artificiâl e robotiche, e intal 2019 e al à  vût il Premi Turing, istès dal Nobel inte Informatiche. (A.I.) – 26.05.22