A ocorin 75 mil lavoradôrs intai 5 agns che a vegnin

Dal rapuart Excelsior Unioncamere, tarât sul periodi di 5 agns, dal 2024 al 2028, presentât vuê, al salte fûr che a ocoraran 75.100 lavoradôrs. Lis professions plui cirudis a saran soredut chês cualificadis intes ativitâts comerciâls e dai servizis (15 mil), di chestis 4.800 a saran dome intes ativitâts ricetivis e de ristorazion e 4.700 in chês comerciâls. Altris 14.300 puescj a rivuardin lis professions tecnichis. A saran une vore cirûts ancje i impleâts aes funzion di segretarie (6.500 in 5 agns) e di lavoradôrs no cualificâts ancjemò tal cumierç e intai servizis (6.100). (a.d.g.) – 11.03.2024