E partìs la seconde edizion dal progjet. Vinars 1° di Lui aes 10.30 a Udin la presentazion de iniziative, in graciis di une colaborazion tra l’Ente Friuli nel Mondo e Confartigianato Imprese.
Cinc “ambassadôrs” dal artesanât e dal teritori regjonâl a son daûr a rivâ de Argjentine. Ju spiete un zîr di 10 dîs che al tocjarà Udin, Cividât, Sant Denêl, Spilimberc e nûf tra impresis e laboratoris, ae scuvierte de storie e de culture dal Friûl Vignesie Julie e di cualchi ecelence de sô tradizion artesanâl. Chest al è il program de seconde edizion dal progjet Foramba (FORmazione degli AMBasciatori dei prodotti Artigianali friulani all’estero), promovût di Ent Friûl intal Mont e Confartigianato-Imprese Udin, cu la poie de Regjon Friûl Vignesie Julie, servizi lenghis minoritariis e coregjonâi tal forest. (A.D.G.) – 30.06.2022
