Prin Fogolâr de Argjentine a Buenos Aires

Lis celebrazions pal centenari de nassite di Pier Paolo Pasolini a son disbarcjadis in Argjentine, su iniziative dal Ente Friuli nel Mondo, par celebrâ une altre ricorence: il 95m aniversari dal prin tra i fogolârs atîfs fûr de Italie, la Sociedad Furlane di Buenos Aires, fondade intal 1927. Inte suaze des fiestis, il president dal Ente Friuli nel Mondo,Loris Basso, al à partecipât ae proiezion dal documentari “La rosada e il ardilut. Nel Friuli del giovane Pasolini”. Il 95m aniversari di Buenos Aires al à segnât la ponte de tournée di Friuli nel Mondo, partide ai 28 di Otubar dal Fogolâr di Esquel, in Patagonie. Un tornâ impuartant, a trente agns de ultime visite di un president di Ente Friuli nel Mondo in Patagonie e intal an che il sodalizi al celebre mieç secul di ativitât.  (A.I.) – 07.11.2022