Al torne a vierzi il Fogolâr furlan Great Britain, dongje Londre

I furlans di Londre e dal dulintor a àn une gnove cjase. Al è stât di fat screât a Welling, Comun dâl Essex a pocje distance di Greenwich, vinars ai 23 di Setembar, il Fogolâr furlan Great britain, in presince dal president dal Ent Friûl dal Mont Loris Basso.
L’an passât, par vie de Brexit che e veve fat tornâ indûr in Friûl cetancj di lôr e dai problemis causâts de Pandemie al veve sierât il Fogolâr di Londre. Il gnûf Fogolâr al sarà vuidât di Paolo Pascolo, udinês e imprenditôr intal setôr enogastronomic, che al vante colaborazions impuartantis cun diviers locâi prestigjôs di Londre. Dongje a lui ilzovin diretîf:  la vicepresidente Giulia Bravo, il tesorîr Michele Medeossi e il segretari Matteo Gremese. (ADG) – 25.09.2022