Vivi la strade miôr e cun creativitât

Daspò dal sucès de tape gurizane di Audiobus, il progjet “Mobilità Creative” al va indevant vinars ai 15 a Cividât cuntune conference dal titul “Di chi è la strada?” (Di cui ise la strade?), in colaborazion cu la Fondazion Michele Scarponi, fondade intal non dal ciclist muart cjapât sot di un furgon, intant che si alenave in siele ae sô bici. Po dopo, domenie ai 17 a Gurize, “La città che nessuno conosce“ (La citât che nissun nol cognòs): une esplorazion urbane di vivi in prime persone, esplorant la citât, i siei spazis, traviers storiis inventadis e un percors che al devente une “cjace al tesaur”. (A.I.) – 14.03.2024