Vincj agns di art contemporanie

Vincj agns di art contemporanie, fate di ricercje, teritori e dialic transnazionâl. La vincjesime edizion dal festival “Borderland / Orizzonti”, promovude dal Circul ARCI di Çarvignan e curade di Eva Comuzzi e Orietta Masin, e tache miercus ai 15 aes 6 di dopomisdì te Cjase de Musiche di Çarvignan. Il program si vierzarà cuntun incuintri public dal titul “Materie sensibile – il cuarp tant che interference” cui artiscj Nicola Fornoni e Claudia Amatruda, in conversazion cun Eva Comuzzi. Ducj i doi artiscj a son atîfs te sene de art contemporanie taliane, cun progjets presentâts a nivel nazionâl. Vie pe serade e tacarà ancje une “open call”, une convocazion vierte pai artiscj visîfs che a son a stâ in Italie e che a àn voie di partecipâ a une residence programade dai 7 ai 14 di Jugn a San Maur, tal teritori di Gurize. Il progjet al larà indevant cuntune seconde fase, dai 14 ai 21 di Jugn, che e viodarà la partecipazion di un artist austriac invidât dai curadôrs. (A.I.) – 14.04.2026