242
“Vino di scoltâ / Vino da ascoltare” al è il titul dal conciert cun contis, che al viôt la colaborazion tra la zovine orchestre Filarmonici Friulani e il scritôr Matteo Bellotto. Pardabon un viaç dedicât al Friûl-Vignesie Julie, contât traviers i cuatri elements naturâi e la lôr interazion che e permet al teritori di esprimi prodots di ecelence. Il vin al è il rimpin par une riflession che e va plui in dentri te identitât e te culture, in graciis de alchimie dai tescj dal scritôr glemonat cul repertori rangjât e curât di Andrea Nassivera pe orchestre. Doi i apontaments in program: joibe ai 6 a Villa Masotti di Puçui (se al è brut timp, li dal Auditorium IPA) e sabide ai 8 inte cort di Palaç Elsi a Glemone. (A.I.) – 05.07.2023
