Vile Manin e vierç di sere pe mostre di Klimt

In ocasion des seradis musicâls dal Istât inmaneadis tal lûc che si cjate inte Barchesse ocidentâl de Vile Manin di Passarian, miercus ai 19 e ai 26 di Avost, lis mostris che a son in cors inte residence monumentâl – “Une opare mestre a Vile Manin. Nuda Veritas. Klimt” e “Ruota Libera. La bici nell’evoluzione sociale dell’Italia”—a restaran viertis fin aes 9 sot sere. Ai 19 di Avost aes 8 e sarà ancje une visite vuidade cence sore nuie ae mostre “Nuda Veritas”, par cure di Vania Gransinigh, diretore dal Servizi di Gjestion de Vile, che e compagnarà i visitadôrs intune esplorazion fonde dai temis e des ispirazions de innomenade opare. (A.I.) – 18.08.2026