“Vicino/lontano mont”: libris, ospits e apontaments

La rassegne “Vicino/lontano mont” e torne tai comuns de mont dal Friûl-Vignesie Julie daspò de anteprime tal mês di Avost par memoreâ Pierluigi Di Piazza a Tualis. Il percors a tapis par tignî vierts i spazis di riflessions ator ai grancj temis dal presint e torne a tacâ sabide ai 13 in Val ‘Saisare cuntune cjaminade tal parc tematic de Vuere grande, vuidâts dal editôr Davide Tonazzi, par scoltâ lis storiis contadis dal scritôr Maurizio Bait cul cjantautôr Miky Martina. Domenie ai 14 a Topolò si fevele di “Storia di una linea bianca” cul autôr Alessandro Cattunar, storic e codiretôr dal festival “In\Visible Cities”. Ai 19 di Setembar a Paluce, ultin apontament pe decime cuarte scuele dal Istât di alte formazion di sociologjie dal ambient e dal teritori des Universitâts di Udin e Triest. Dai dîs che a vegnin, presentazions di libris (Gli acquanauti” di Renzo Brollo a Bordan, “2027. Fuga dalla democrazia” di Sergio Rizzo a Malborghet), une serade in ricuart e in onôr di Amato Matiz, il fondadôr dal Trio Pakai, a cuarante agns de muart, e po dopo une schirie di incuintris. (A.I.) – 11.09.2025