37
Il Festival dal cine de Europe nordorientâl, che si davuelç a Triest dai 16 ai 24 di Zenâr, al è compagnât di diviers events colaterâi. Un di chescj, inmaneât de associazion culturâl Cizerouno tai spazis “Cavò”, al è il progjet di ricercje visuâl “ YugoLogo”. Pe prime volte fûr dai teritoris de ex Jugoslavie, i curadôrs Ognjen Rankovic e Antonio Karaca a puartin a Triest une selezion di passe 600 marchis storichis: un viaç inte memorie grafiche di un Paîs che nol esist plui, ma che al à lassât un patrimoni di dissen moderni e inovatîf. (A.I.) – 16.01.2026
Foto di M. Dzakic
