Il scritôr Niccolò Ammaniti pe leterature, il psichiatri Paolo Crepet te categorie “Aventure dal pinsîr”, la autore di saçs e esperte di Cine, Giada Messetti, te sezion “Lignano pal avignì”, il scritôr turc curt Burhan Sönmez inte sezion “Testemoni dal nestri timp”. Chescj a son i vincidôrs da cuarantesime seconde edizion dal Premi Hemingway, pensât e promovût dal Comun di Lignan. Ancje chest an, dai 25 ai 27 di Jugn , i cinc vincidôrs a saran protagoniscj di une schirie di incuintris, cinc dialics che a segnin il cont al ledrôs pe premiazion, la cerimonie in program par sabide ai 27 tal Cinecity. Il Premi al ufrîs la pussibilitât di rinovâ, un an dopo di chel altri, la visite storiche di Ernest Hemingway a Lignan intal Avrîl dal 1954, cualchi mês prime di cjapâ il Premi Nobel pe Leterature. Lis cinc categoriis dal Premi dedicât a lui a son ancjetancj tribûts ae sô personalitât complesse e ai siei talents. (A.I.) – 10.06.2026
Foto di G. De Lazzaris
