Ve i finaliscj dal Premi “Terzani”

La jurie dal Premi “Terzani”, che si è cjatade te cjase fiorentine de famee Terzani, e à comunicât i cinc finaliscj pe vincjesim seconde edizion dal Premi Leterari Internazionâl “Tiziano Terzani”, un ricognossiment creât e promovût de associazion culturâl Vicino/Lontano di Udin, adun cu la famee dal grant scritôr e gjornalist florentin. I finaliscj a son Anna Badkhen par “Cronache di un mondo in movimento” (Cronichis di un mont in moviment, Gramma Feltrinelli), Mohammed El-Kurd par “Vittime perfette e la politica del gradimento” (Vitimis perfetis e la politiche dal agradiment, Fandango Libri), Mathias Enard par “Disertare” (Disertâ, e/o edizions), Alaa Faraj par “Perché ero ragazzo” Parcè che o jeri un fantato, Sellerio) e Bao Ninh par “Il dolore della guerra” (Il dûl de vuere, Neri Pozza). “Ancje chest an,” e sclarìs la presidente de jurie Angela Terzani Staude, “o vin sielt cinc volums che a nus judin a capî miôr lis tragjediis coletivis e privadis dal nestri timp, chês che a disturbin i nestris pinsîrs e la nestre vision dal avignì”. Il vincidôr al sarà anunziât ator de metât di Avrîl e il premi al sarà dât sabide ai 9 di Mai, un event centrâl de vincjesime seconde edizion de rassegne “vicino/lontano”, in program a Udin dai 7 ai 10 di Mai. (A.I.) – 24.03.2026