A un mês de cerimonie di premiazion, in program sabide ai 12 di Avrîl tal Teatri Odeon, il Premi leterari internazionâl “Latisana per il Nord-Est” al segne une tape decisive di cheste trentesime seconde edizion, cul anunzi des oparis finalistis dal Premi di narative, selezionadis de jurie tecniche, di chês vincidoris dal Premi “Coop Alleanza 3.0”, conferît de jurie dai letôrs, e dal Premi “Banca360FVG”, assegnât de jurie dai fantats. I finaliscj dal Premi di narative, sielts tra lis 96 oparis candidadis – un record assolût di partecipazion de nassite dal Premi – a son “Montagne nere” di Dario Colombo, “I dieci passi dell’addio” di Luigi Nacci e “L’oscura morte di Andrea Palladio” di Matteo Strukul. A cjapâ il premi “Coop Alleanza 3.0″ al è invezit “Almae” di Federica Manzon, il romanç che al à za vinçût il Premi “Campiello” tal 2024, e che al à passât i vôts otignûts di chei altris titui in corse par chest ricognossiment. La jurie dai fantats formade des studentis e dai students dal ISIS “Enrico Mattei” di Tisane e à sielt “L’inverno della lepre nera” di Angela Tognolini. (A.I.) – 12.03.2025
Foto di Studio Sandrinelli
