Miercus ai 7, aes 6 di dopomisdì, la sede de Societât Filologjiche Furlane tal Palaç Mantica a Udin in vie Manin si fasarà la scree de mostre “Il segno della memoria”, Il segn de memorie”: di imagjins, documents e fotografiis di epoche dedicadis ai volums a fumets dal artist pordenonês Paolo Cossi che a contin il Vaiont e il taramot dal 1976 in Friûl. Melania Lunazzi e intervistarà l’autôr par scoltâ cualchi episodi di chei events tragjics e par scuvierzi lis fasis che a àn puartât ae creazion dai doi romançs grafics, cuntun compagnament musicâl di Franco Giordani, un cjantautôr dal Cjanâl de Ciline Dopo la presentazion, i visitadôrs a podaran viodi la mostre fint ai 6 di Novembar: dentri si cjatin sedi i sfueis de gnove edizion dal fumet “1976. Il taramot in Friûl,” publicade di Vivacomix e de Filologjiche, ancje inte version in lenghe furlane, e chês dal fumet in dôs lenghis (talian e furlan) “Ti racconto il Vajont/Ti conti il Vaiont” vincidôr dal premi nazionâl “Salve la tô lenghe locâl”. (A.I.) – 06.10.2026
Vaiont e il taramot: doi fumets in mostre
59