Une vuide a 111 lûcs di viodi a Gurize e Gnove Gurize

Gnûf apontament joibe ai 22 te Badie di Rosacis in comun di Manzan aes 6 di dopomisdì pe rassegne “I colocuis de Badie”, curade e vuidade di Elda Felluga e Margherita Reguitti. Si fevelarà di Gurize e Gnove Gurize capital europeane de culture, presentant il libri “111 luoghi di Gorizia e Nova Gorica che devi proprio scoprire” (Emons Edizioni) di Antonella Gallarotti, esperte di storie, culture e tradizion dal lûc, cu lis fotografiis di Benedetto Beny Kosic. Il libri al è une vuide origjinâl che e met in struc i lûcs, i personaçs e lis curiositâts de Gurize cuntune identitât taliane e chê slovene, dispès pôc cognossûts ancje dai stes abitants, o par nuie. (A.I.) – 21.05.2025