36
Ultin apontament par “Vôs a Est”, il festival itinerant che al slargje la idee di ‘frontiere’ midiant libris, podcast e peraulis, dentri di diferents contignidôrs de culture e de imprese sul teritori. Ancje l’ultin apontament al è te sale “Pierluigi di Piazza” dal parc di S. Svualt a Udin, la sede de Comunità Nove, che e à colaborât cu la associazion Bottega Errante e la cooperative Itaca par inmaneâ i events. Miercus ai 30 aes 6 di dopomisdì l’ultin apontament cun Erika Adami in dialic cun Elisa Copetti par fevelâ di “Feminis furlanis fuartis”: il so libri cu lis vincjecinc storiis di feminins furlanis dal dì di vuê, jenfri l’orgoi de apartignince e lis disparitâts di gjenar che a son ancjemò in dut il Paîs. (A.I.) – 28.04.2025
