Une stagjon di storiis te Cjase di Catine

Contâ storiis parcè che al è un dai ats culturâi plui antîcs e bogns par ducj, che al promôf la partecipazion e il sens di comunitât. “Cambiâ lis storiis” al è il titul dal progjet promovût par dut l’an di Damatrà cuntun cartelon svariât che si davuelzarà soredut te Cjase di Catine a Vilalte di Feagne, za sede de Cjase des Culturis frutis. Dentri di cheste stagjon che e dure dut l’an, la presidente Mara Fabro e à sielt un mosaic di azions culturâls cul fin di rigjenerâ un spazi sul teritori, mudât intun riferiment culturâl pe comunitât. Une part dal program e je pensade pai plui zovins, cun laboratoris par tirâ dentri ancje i plui debii, miscliçant lis gjenerazions par fâ, contâ, scrivi ducj insiemi, tacant dai 20 di Zenâr cu lis “Contis tes mans”. Dal mês di Fevrâr a rivin lis Contis sot dal morâr cun Chiara Carminati e Giovanna Pezzetta, cuntun prin event dedicât a chel tesaur par ducj che e je la aghe. Soredut, prime di rivâ vie pe Vierte aes ‘Contis in moviment’, a pîts o in biciclete ancje par cui che al à cualchi dificoltât, ve lis contis sonoris cu la atore e regjiste Nicoletta Oscuro e il dramaturc argjentin Hugo Samek, che a puartaran ai partecipants lis seradis di “bal sociâl”. Ven a stâi, spazi che al sarà un esperience di partecipazion là che musiche e moviment a deventin un strument di dialic doprant dome che il cuarp. (A.I.) – 20.01.2026