Une opare di art che e je un dialic tra i sorts e cui che al sint

Si vierç vinars ai 27 inte biblioteche di Pordenon, aes 7.30 sot sere inte sale conferencis “Degan”, il progjet “Trasduzioni”: une instalazion artistiche sensoriâl de associazion Altrememorie, che e nas de relazion cun personis sordis e dal desideri di condividi ducj adun une forme di dialic. In chescj ultins agns, il progjet al à disvilupât une ricercje artistiche sperimentâl, cirint di esplorâ lis diferencis profondis tra une persone che e sint e une sorde. La esperience ufierte al public e je il risultât dal incuintri tra personis sordis e personis che a sintin, che a àn provât a stâ intun spazi insiemi. (A.I.) – 26.09.2024