Une mostre sul prin vôt des feminis in regjon

Te suaze de Zornade internazionâl dedicade aes feminis, e rive a Tavagnà la mostre storiche documentarie “Che genere di voto?” (Ce gjenar di vôt?), ven a stâi “imagjinis e peraulis de stampe furlane sul prin vôt des feminis intai agns 1946 – 1948”. Inmaneade daspò di un detaiât lavôr di ricercje puartât indevant de bande dal coordenament regjonâl des feminis de ANPI tacant dal 2021, la esposizion – che e sarà screade joibe ai 7, aes 6 dopomisdì tal Municipi di Felet e e sarà vierte fint ai 26 di Març – e ufrìs une suaze clare e detaiade de partecipazion des feminis furlanis aes primis elezions viertis a ducj e a dutis daspò de Seconde vuere, ma ancje un profîl des candidadis votadis sul nestri teritori: avonde pocjis. (A.I.) – 06.03.2024