Une mostre pal fondadôr dal Museu di Aquilee

La racuelte di mostris virtuâls di “Teche.Uniud” (in rêt: teche.uniud.it/), la biblioteche digjitâl de Universitât di Udine, e je in cressite. Pai 350 agns de da nassite di Gian Domenico Bertoli, il fondadôr dal Museu Lapidari di Aquilee, la Universitât dal Friûl e dediche une mostre virtuâl al studiôs, anticuari e cjaluni furlan. Cl titul “Tempus colligendi lapides”. Lis antichitâts di Aquilee di Gian Domenico Bertoli (1676-1763),” la iniziative curade di Pier Giorgio Sclippa, Greta Bertolini e Sandro Themel e cjape dentri ancje une mostre fisiche te biblioteche Florio dai volums presentâts te rassegne, che e sarà vierte fint al 12 di Jugn. Al centri de esposizion, dedicade a une figure impuartante dal Friûl dal Sietcent, nassût a Merêt di Tombe e muart a Aquilee,protagonist de culture anticuarie de sô ete, la opare plui cognossude di Bertoli: “Le antichità di Aquileia” (Lis antichitâts di Aquilee), jessût tal 1739 a Vignesie, un moment fondamentâl pe costruzion de figure storiche de citât furlane. (A.I.) – 06.05.2026