Une mostre di mosaics par passâ il discomut

Inte cjase de Confraternite sul Cjistiel di Udin si scree joibe ai 15 la mostre “Mosaicamente: Omaggio a Edward Hopper”, un progjet inmaneât de Fondazion “Bambini e Autismo”, cul patrocini dal Comun di Udin e la poie de Fondazion Piero Pittini. Lis oparis a son stadis fatis di personis cul autisim, grancj e zovins, in forme di mosaic te “Officina dell’arte” di Pordenon, il centri regjonâl specializât pes personis cun cheste forme di discomut. I partecipants si son ispirâts al pitôr american, innomenât pal so realisim, par meti adun oparis che no son dome che copiis, ma rielaborazions. (A.I.) – 14.05.2025