Une mostre ae galarie “Spazzapan” par Dora Bassi

Ae Galarie regjonâl di art contemporanie “Luigi Spazzapan” di Gardiscje, sabide al 1n di Otubar aes 11.30 di buinore, si scree la mostre “Dora Bassi. Immagini e parole”, par cure di Cristina Feresin. Promovude e organizade dal ERPAC – Ent regjonâl patrimoni culturâl dal Friûl Vignesie Julie, cu la colaborazion dal Comun di Gardiscje e la fondazion CariGo, la mostre e je une dediche a une artiste di ricercje, protagoniste de art dal Nûfcent, precursore di une profession che pocjis feminis a vevin tacât a fâ, soredut inte Italie dai agns Cincuante, cuant che je e fo part dal grup furlan neorealist di Zigaina, Anzil, Canci Magnano, Altieri e altris artiscj, ma suntun propri percors di lavôr e ispirazion. (A.I.) – 29.09.2022