Une ‘gulizion cul artist’ a Gardiscje

Ultime residence di autôr par B#Side the River Festival 2022, il program che al puarte la art “a cjase” sul teritori e al met a contat cul public i artiscj plui creatîfs e plui amâts dal nestri timp a nivel internazionâl. Al è il câs dal olandês Deimion “Peim” van der Sloot, l’artist multidissiplinâr che si divît tra arts visivis, dissen e performance. Intal cors de sô cariere al à metût in vore un so stîl une vore ricognossibil in graciis di tecnichis grafichis che a doprin ancje adesîfs colorâts. Dilunc des zornadis de sô residence in Friûl Vignesie Julie, intor al flum Lusinç fin ai 30 di Lui, van der Sloot al fasarà une opare inedite rifletint su temis sociâi. Sabide ai 30 al è inmaneât un incuintri cul public: la ‘gulizion cul artist’ aes 10 di matine a Gardiscje. (A.I.) – 26.07.2022