Une gnove racuelte cun trente agns di poesiis par Villalta

Vinars ai 5 di Setembar al rive in librarie par Garzanti il volum “Poesie”, che e racuei in struc cinc volums di poesiis dal scritôr Gian Mario Villalta, publicadis in trente agns, dal 1992 al 2022. Dal 2003, Villalta al è il diretôr artistic di “Pordenonelegge” – là che al à prometût di jessi presint ancje pe inaugurazion di chest an, ancje se al à vût cualchi fastidi cu la salût pôcs dîs indaûr. Nassût a Visinâl di Pasian di Pordenon tal 1959, Villalta al à za cjapât cetancj premis te so cariere e al è une des vôs plui impuartantis de poesie taliane. (A.I.) – 04.09.2025