Une gnove edizion pes “Letaris” di Pre Bepo

da Andrea Ioime

In graciis dal lavôr atent e meritori dal linguist Davide Turello, a tornin fûr intune gnove edizion lis “Letaris ai furlans” di Pre Bepo Marchet, dulà che al sburtave i furlans – cuntun stîl garp e sec – a no rineâsi e a no colâ tal conformisim e inte culture dominante. A publicâlis a son il Comun di Glemone (li che al nassè Giuseppe Marchetti) e “La Patrie dal Friûl”, la sô creature editoriâl che dal 1946 e puarte indevant un messaç: chel de vuardie des lidrîs e dai valôrs che a vegnin de storie e de culture dai furlans. La iniziative inte suaze des propuestis de Arlef pe “Fieste de Patrie dal Friûl”: par chest, il volum al sarà presentât miercus ai 3 aes 3.30 dopomisdì inte sale consiliâr di Glemone ae presince dal curadôr, dal assessôr comunâl ae Culture, Flavia Virilli, e dal diretôr de Arlef, William Cisilino. La serade e tacarà cu la premiazion dal concors “Glemone, îr, vuei e doman” pes scuelis dal teritori. (A.I.) – 02.04.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui