Une conte a dôs vôs par Ennio Morricone

Lis sôs composizions a fevelin par lui ancje vuê che nol è plui e a contin la Italie, des musichis scritis par Gino Paoli e Mina fint aes colaborazions cui regjiscj Sergio Leone, Pier Paolo Pasolini, Elio Petri, Bernardo Bertolucci, Giuseppe Tornatore. Ennio Morricone, che al à scrit passe 500 musichis par cines e al à vendût 70 milions di discs. La sô musiche e la sô figure e je al centri dal apontament de gnove serie di “Aperitîf cu la art”; joibe al prin di Mai aes 5 di dopomisdì te vile dal Marchês de Fabris a Bean dal Teritori. Une conte a dôs vôs cun Cristina Bonadei e Massimo Tommasini compagnâts al piano di Riccardo Morpurgo. (A.I.) – 30.04.2025