Une artiste esponude tant che une opare di Dora Bassi

Al centri culturâl di Cjase Maccari a Gardiscje, inte suaze de mostre e dal progjet “Pier Paolo Pasolini e Dora Bassi: eredità ai contemporanei”, a van indevant lis interpretazions particolârs di cuatri artiscj internazionâi contemporanis, che a son madressûts dilunc di un periodi di residence in Friûl-Vignesie Julie. La artiste polache australiane Zosia Zoltkowski e sarà protagoniste joibe ai 30, aes 6 dal dopomisdì, di un avigniment public dentri de mostre, cu la presentazion in anteprime de sô gnove performance “Body cartography”, dulà che e met in mostre il so cuarp tant che un repert antîc, riclamant i elements statuaris e metalics des oparis di Dora Bassi. (A.I.) – 28.03.2023