Una Sierade di libris a Mueç

A Mueç e torne la rassegne “Autunno nei libri”, Sierade tai libris, rivade ae seconde edizion: une schirie di incuintris cui autôrs e lis lôr oparis, tal centri polifunzionâl Romano Treu. Si tache sabide ai 18 aes 5 e mieze dal dopomisdì cu la presentazion di “1-0 Calori” di Paolo Ortelli, un afresc de ete di aur de serie A di balon, fevelant di campions, passions e contradizions, instreçadis cu la figure dal cjapitani dal Udin dai agns Nonante, Alessandro Calori. I altris apontaments a saran cu la anteprime regjonâl di “Mensaleri”, il gnûf libri di Wu Ming sabide ai 25 e, tal mês di Novembar, “I morti raccontano i vivi” di Paola Treppo, “Non è come sembra” di Jessica Bellina, “Il Duca” di Matteo Melchiorre e “Una fedele economia” di Claudio Lorenzin. (A.I.) – 17.10.2025