Un viaç traviers de storie te Badie di Rosacis

Un romanç corâl e fuart che al conte la cressite di trê protagonistis che nissun al podarà dismenteâ. Un afresc storic e poetic, traviersât dal podê de nature, de lûs e de cognossince. Une storie di sûrs, segrets, amôr e dolôr, ambientade a Udin, Vignesie, Cjarpât, Martignà e Grau: un viaç traviers dal timp, indaûr fint al Votcent, inte culture e storie de regjon. Chest al è “Il tempo delle viole. Tre ragazze, un fiume, un legame che cambierà il loro destino” (Il timp des violis. Trê fantatis, un flum, un leam che al cambiarà il lôr destin, jessût pal editôr Newton Compton) de scritore e gjornaliste udinese Elena Commessatti. Il romanç al sarà presentât joibe ai 7 aes 6 di dopomisdì te Badie di Rosacis in comun di Manzan, te suaze dai “Colocuis de Badie. Il viaç de mape di Felluga”, par cure di Elda Felluga e Margherita Reguiti. (A.I.) – 05.05.2026