Un viaç te memorie dai puescj

Al sta vignint fûr “Chronosismi” di Lorenzo Zoppolato, un libri leât al progjet “Novecento FVG tracce di una storia europea”, inmaneât di Friuli Storia e dal Dipartiment di Studis umanistics e dal patrimoni culturâl de Universitât dal Friûl. Lis maraveosis imagjinis dal fotograf furlan a contin di un viaç che nol è dome fat di documents, ma al misture ricercje storiche cun voli poetic. “Pocjis regjons come la nestre a son stadis testemonis di dutis lis grandis vueris dal secul passat” al dîs Tommaso Piffer, storic e professôr dal ateneu furlan e fondadôr di Friuli Storia. Prime e Seconde vuere mondiâl, ocupazion dai naziscj e lote partigjane e, daspò, la vuere frede a son dutis robis che a àn lassât olmis fuartis te nestre tiere. “O ai fat un viaç imberdeât, dulà che la fotografie e je deventade un scandai pal dentri dal sintiment e, adun, un dialic cu la memorie dai puescj” al zonte l’autôr Zoppolato. (R.C.) – 24.09.2025