Un viaç tal timp cun Floramo tacant di Gurize

Martars ai 16 si siere cul ultin apontament la version de Sierade de diesime edizion di FESTIL, il Festival dal Istât dal Litorâl, diret di Tommaso Tuzzoli e Federico Bellini e inmaneât di Tinaos, cuntun non che al torne daspò dal sucès dal Istât passât. Il scritôr Angelo Floramo al torne a Udin, tal teatri “San Giorgio” e in colaborazion cul comun di Udin, cul spetacul “Io sono moltitudine”, un viaç naratîf e musicâl traviers dal timp e dal spazi de Europe, tacant de topografie inmagante de citât di Gurize. Tant che un viandant, compagnât dal vîf de musiche dal tercet Fior delle Bolge (Federico Galvani, Alan Liberale e Luca Zuliani), Floramo al vuidarà il public intun viaç che al passe milenis di storie condividude. (A.I.) – 15.12.2025