Un viaç diferent tal cûr de Europe

Il program anuâl “Dedica Incontra”, promovût de Associazion culturâl da “Thesis” tant che aprofondiment par esplorâ e discuti lis cuistions plui impuartantis dal dì di vuê, al continue cuntun gnûf event dedicât ae storie europeane e al so patrimoni culturâl. Martars ai 9, aes sîs e mieze di dopomisdì, te sale Teresina Degan de Biblioteche civiche di Pordenon, il gjornalist e scritôr Giovanni Vale al sarà presint pe presentazion dal so libri “Impero Asburgico. Un valzer tra passato e presente nel cuore dell’Europa” (Imperi asburgjic. Un vals jenfri passât e presint tal cûr de Europe), in conversazion cun Claudio Cattaruzza, il diretôr artistic di “Dedica”. La serade e sarà un viaç origjinâl te storie dal continent european traviers da storie dal Imperi asburgjic, il protagonist dal secont volum da serie “Extinguished Countries – Paîs discomparîts), un progjet editoriâl ideât di Giovanni Vale tal 2020. (A.I.) – 08.06.2026