Un viaç di emozions tes Alps Juliis

Si scree miercus ai 2 aes sîs di dopomisdì inte ex glesie di S. Francesc a Udin une mostre di fotografiis cun cirche cuarante oparis di Simone De Cillia, nassût a Tumieç tal 1993, fotograf, campion e istrutôr di snowboard, atlete e passionâts di monts, muart tal mês di Fevrâr passât, cjapât sot di une lavine su la mont Cjanine. La mostre, inmaneade de Associazion The Farms in colaborazion cul Comun di Udin e te suaze de iniziativis culturâls di “Friuli Doc 2026”, e sarà vierte al public fint ai 20 di Setembar, ogni dì des 10 di buinore fint aes 6 di dopomisdì, cun jentrade libare cence sore nuie. Lis fotografiis di De Cillia a puartin i visitadôrs intun viaç traviers lis Alps Juliis, la lôr nature incontaminade e i sports de mont. Paisaçs che a son un spetacul, mûr di cret, pissandis glaçadis, spicis cuviertis di nêf e moments di libertât assolude a trasmetin la sensibilitât di un zovin che al veve il centri de sô vite e des sôs ricercjis fotografichis in mont. Dutis emozions che a sorevivin ancje cuant che il lôr autôr nol è plui. (A.I.) – 01.09.2026