Un gnûf incuintri jenfri Udin e l’artist Giambattista Tiepolo, intune citât che e conserve cualchi esempli dai plui impuartants de sô straordenarie cariere artistiche. Dal 10 di Otubar e fint al 17 di Zenâr dal 2027, il cjistiel di Udin al ospitarà il “Giudizio Finale”, une tele monumentâl che e rive des colezions Galariis de Italie – Intesa Sanpaolo, che al sarà al centri da mostre “L’ospite illustre”. La opare e sarà in mostre ta Galarie de art antighe te sale “Aldo Rizzi”, dongje di tantis oparis mestris dal Tiepolo che a son za di proprietât Museus Civics. Al sarà un confront fat di dongje di oparis pensadis vie pai agns che a son stâts impuartants pal disvilup artistic dal pitôr venezian, palesant ai visitadôrs no dome la evoluzion dal so lengaç artistic, ma ancje il podê des sôs invenzions, la so maniere di doprâ la lûs, il moviment des sôs figuris e chê abilitât teatrâl che e varès fat deventâ il Tiepolo un dai prins protagoniscj dal Sietcent in Europe. La mostre e je nassude di une idee di Linda Borean de Universitât dal Friûl e e je curade di Fabio Franz, conservadôr de Galarie de Art Antighe. (A.I.) – 09.10.2026
Foto di V. Maino par Intesa Sanpaolo