Un spazi par Tina Modotti

A 17 di Avost dal 1896 tal borc Praclûs di Udin e nassè Tina Modotti, fotografe, atore, ativiste politiche, di frute tai Stâts Unîts par cirî lavôr e po dopo rivade fint a Hollywood, ae innomine mondiâl cu la so art fotografiche e muarte tal 1942 in Messic. La sô cjase di Udin, restaurade vincj agns indaûr e cuntune piture fate di letaris e scritis, e je la uniche testemoneance in citât: e mancje un lûc cun almancul une cerce de sô art, magari te Galarie che e à il non di “Tina Modotti” tal ex Marcjât. Il conseîr regjonâl Massimo Moretuzzo (Patto per l’Autonomia–Civica Fvg) al à fat cualchi setemane indaûr une propueste par stanziâ bêçs par events e pe racuelte di materiâi in ocasion dai 130 agns de nassite, ma la sperance e je simpri chê di fâ nassi un museu. Di fotos a ‘nd è: a Perugia a àn screât di cualchi setemane la plui grande mostre fate in Italie, vierte fint al mês di Avrîl, cul jutori di Cinemazero di Pordenon.(A.I.) – 06.01.2025