Un secul di ciment e di casermis

Lis casermis e lis fortificazions tiradis su vie pal Nûfcent in dute la regjon – massime, dongje dai confins – dai timps de Vuere grande fint ae Vuere frede a son al centri di une mostre che si scree domenie ai 13 a Scluse. Propit tal Museu de Vuere frede inmaneât di FST – Friûl Storie Teritori, par cure di Andrea D’Aronco, fint ai 24 di Avost e sarà vierte la esposizion “Il secolo di cemento armato” (Il secul di ciment), un progjet che al ven fûr di une cetant lungje ativitât di documentazion fotografiche par valorizâ i lûcs storics de regjon che a àn segnât il paisaç vie pal secul passât, fat di vueris e mudaments. (A.I.) – 15.07.2025