Un rivoluzionari dal fumet a Pordenon

Un rivoluzionari dal fumet talian al è il protagonist de gnove mostre tal Palaç dal Fumet di Pordenon, dal titul “Toppi – Le profondità verticali”, vierte fint ai 4 di Otubar. La esposizion, par cure di Luca Raffaelli cun Michel Jans e Francesco Verni, e met in mostre un protagonist salacor no masse popolâr de ilustrazion e dal fumet, ma par sigûr un dai plui impuartants pal so stîl unic, il so segn une vore personâl sul sfuei di cjarte e la maniere di doprâ i colôrs, che a àn ispirât cetantis gjenerazions di artiscj, in Italie e tal forest. IN dut a son passe cent taulis origjinâls, che si disvilupin dilunc un percors cronologjic in trê sezions dividût par temis, risultât di un grant lavôr di studi e ricercje critiche sui aspiets centrâi dal grant dissegnadôr. Al centri de mostre la proiezion in formât grant di une storie interie, par dâ a ducj la pussibilitât di imerzisi intes sôs atmosferis di insium. Sergio Toppi, (Milan, 1932 – 2012), al è è stât un autôr trasversâl, che al à lavorât pal ”Corriere dei Piccoli “ e pal editôr Bonelli, d pai cuotidians e par rivistis storichis di fumets, puartant la sô art di lâ dai confins, massime in France, pe sô volontât e capacitâ di passâ lis regulis dal fumet talian par ce che al rivuarde la costruzion de pagjine dissegnade, e no dome. (A.I.) – 25.05.2025