Un regjist furlan ae setemane de culture taliane di Vilnius

Il regjist furlan Massimo Garlatti Costa al è un dai protagoniscj de vincjesime cuinte Setemane de lenghe taliane tal Mot, in program fint ai 24 di Otubar a Vilnius. La iniziative e je inmaneade de Universitât di Vilnius in colaborazion cu la ambassade taliane e l’Istitût talian di culture. Il program al previôt une schirie di incuintris, cunvignis e spetacui dedicât ae difusion e ae vitalitât de lenghe taliane tal mont, cu la presince di personis impuartantis de culture, dal scritôr Carlo Lucarelli a Federica Manzon. Premi Campiello tal 2024. Massimo Garlatti Costa al presente il so cine “Lingua Mater”, un documentari fat cu la poie de regjon F-Vj, che al esplore la lenghe tant che lidrîs identitarie, instreçant lis vôs di comunitâts e minorancis linguistichis de Italie e de Europe. Une conte ator de ricjece ma ancje debilece des lenghis minoritariis. (A.I.) – 22.10.2025