Un premi leterari tal non di Israêl

Il scritôr israelian Eshkol Nevo al è il vincidôr de diesime novesime edizion dal Premi Crédit Agricole – La storie intun Romanç, un premi nassût de colaborazion jenfri la Fondazion Pordenonelegge e il Crédit Agricole Italie. L’anunzi al è rivât dal festival “pordenonelegge”, che al è tacât il cont pat daûr pe sô vincjesime setime edizion, programade chest an dai 16 ai 20 di Setembar, che e sarà presentade in maniere uficiâl martars ai 7 di Lui a Milan. Eshkol Nevo al cjaparà il premi te suaze de rassegne “pordenonelegge”, sabide ai 19 di Setembar, tal Teatri Verdi di Pordenon. Al cjaparà ancje un Talar di arint de imperadore Marie Terese di Austrie, une monede che e je un simbul di unitât e coesistence pacifiche jenfri lis popolazions de Europe. Il scritôr al à vût sucès intal “trasformâ la grande storie intune esperience intime, mostrant cemût che i events coletîfs e lis fraturis plui dramatichis dal nestri timp si rifletin inte vite di ogni dì. Intai siei romançs, Israêl nol è mai dome un fonts gjeografic o politic, ma un laboratori uman traviersât di conflits, sperancis e domandis universâls.”(A.I.) – 29.06.2026